نصیرآباد انتظامیہ کا پٹ فیڈر کینا ل کا آر ڈی 418 کا جائزہ

انفارمیشن ڈیپارٹمنٹ نصیرآبادڈویژن24جولائی

ڈپٹی کمشنر نصیرآباد عائشہ زہری کی ہدایت پر اسسٹنٹ کمشنرز اور تحصیلداران کا ضلع نصیر آباد میں ممکنہ سیلاب سے قبل کی تیاریوں اور پٹ فیڈر کینال اور ربیع کینال کا دورہ ڈیرہ بگٹی اور گھگھی ریور ماہی واہ سے آنے والے سیلابی ریلوں کی گزرگاہوں کا جائزہ لیا اسسٹنٹ کمشنر ڈیرہ مراد جمالی اسداللہ سمالانی اسسٹنٹ کمشنر چھتر خادم حسین کھوسہ تحصیلدار ڈیرہ مراد جمالی مجیب الرحمٰن ساتکزئی تحصیلدار میرحسن سید محمد شاہ ایس ڈی او ایریگیشن محمد سلیم بہرانی نے دیگر عملے کے ہمراہ پٹ فیڈر کینال آر ڈی 418 کچھی کینال ٹیل ربیع کینال چھتر روڈ جکھرانی پل ریگولیٹر ون ٹو دولت گھاڑی ضلع صحبت پور کے سرحدی علاقوں پٹ فیڈر کینال ربیع کینال کے کمزور پشتوں جن میں ابڑو محلہ مغیری محلہ گوٹھ میرحسن گوٹھ نبی بخش کھوسہ اور صدیق بنگلزئی واٹر کورس تک جائزہ لیا۔

 

 اس موقع پر ایس ڈی او ایریگیشن محمد سلیم بہرانی نے انہیں بریفنگ دیتے ہوئے بتایا کہ ضلع نصیرآباد میں گھگھی ریور ماہی واہ اور ڈیرہ بگٹی سے آنے والے سیلابی ریلوں سے خطرہ رہتا ہے میرحسن سے پانچ کلومیٹر دور واقع چھتر ندی میں ڈیرہ بگٹی سے آنے والے سیلابی ریلے شامل ہوتے ہیں۔

 

 جبکہ گھگھی ریور ماہی واہ سے آنے والا سیلابی ریلہ جکھرانی پل سے ٹکرا کر ربیع کینال میں شامل ہوجاتا ہے اسسٹنٹ کمشنرز اسداللہ سمالانی اور خادم حسین کھوسہ نے کہاکہ آج کے اس دورے کرنے کا مقصد بھی یہی ہے کہ سیلابی صورتحال سے قبل ہی اقدامات کیے جائیں صوبائی حکومت کے احکامات پر نصیرآباد ضلعی انتظامیہ مختلف چیلنجز سے نمٹنے کے لیے الرٹ ہے۔

 

 ہماری بھرپور کوشش ہے کہ بالائی علاقوں سے آنے والے سیلابی ریلوں کو محفوظ راستہ دیا جاسکے جس کےلیے تمام محکموں کے عملے اور بھاری مشینری کو سیلابی ریلوں کی گزرگاہوں پر الرٹ رکھا گیا ہے۔