نصیرآباد سرکل انجینئر عبدالحمید مینگل نے پٹ فیڈر کینال کا دورہ 

انفارمیشن ڈیپارٹمنٹ نصیرآبادڈویژن24جولائی

سپرنٹینڈنٹنگ انجینئر ایریگیشن نصیرآباد سرکل انجینئر عبدالحمید مینگل نے پٹ فیڈر کینال کا دورہ کیا انہوں نے آر ڈی 264اآر ڈی  270آر ڈی 280آر ڈی298 پٹ فیڈر کینال کی پشتوں اور مرمتی کام کا جائزہ لیا۔

 

 اس موقع پر ایکس ای این پٹ فیڈر کینال غلام محمد بادینی نے انہیں بریفنگ دیتے ہوئے بتایا کہ سیلابی صورتحال کے پیش نظر محکمہ ایریگیشن کا عملہ بھاری مشینری کے ساتھ مستعد کھڑا ہے اس حوالے سے آر ڈی 298 اور عادل پور پولیس تھانے کے قریب دو ایمرجنسی کیمپس قائم کئے گئے ایس ڈی او حاجی ممتاز علی سومرو اور سید امجد شاہ کی نگرانی میں پٹ فیڈر کینال کی آر ڈی 264 تا 266 تک کمزور پشتوں کو مضبوط بنانے کا سلسلہ بھی جاری ہے بھاری مشینری کو کمزور پشتوں کے قریب کھڑا کردیا گیا ہے۔

 

 ضلع صحبت پور انتظامیہ سے بھی ہم رابطے میں ہیں اس موقع پر سپرنٹینڈنٹنگ انجینئر ایریگیشن نصیرآباد سرکل انجینئر عبدالحمید مینگل نے کہا کہ پٹ فیڈر کینال کی پشتوں کو مضبوط بنانے میں کوئی کسر نہیں چھوڑی جارہی جن جگہوں پر کام کرنے کی ضرورت ہے وہاں فوری اقدامات کیے جارہے ہیں سیلابی صورتحال سمیت ہمیں ذرعی زمینوں کو سیراب کرنے کےلئے بھی اقدامات کرنے ہونگے۔

 

 اس لئے پٹ فیڈر کینال میں پانی کی ترسیل کے عمل کو بھی جاری رکھنا وقت کی ضرورت ہے کیونکہ کاشتکاروں نے چاول کی پنیری کاشت کی ہوئی ہے انجینئر عبدالحمید مینگل نے کہا کہ اس وقت بھی بالائی علاقوں سے آنے والے سیلابی ریلوں کو پٹ فیڈر کینال میں چھوڑا گیا ہے الحمدللہ حالات کنٹرول میں ہیں اس لیے مشینری اور عملے کی تعداد میں اضافہ کیا جارہا ہے۔