چیف آف سراوان نواب محمد اسلم خان رئیسانی سے سردار کمال خان بنگلزئی کا ٹیلی فونک رابطہ

 چیف آف سراوان نواب محمد اسلم خان رئیسانی سے سردار کمال خان بنگلزئی کا ٹیلی فونک رابطہ۔ نواب اسلم خان رئیسانی کو ڈیگاری میں پیش آنے والے واقعے کی تفصیلات، سردار شیر باز خان ساتکزئی کی گرفتاری اورانہیں سراوان کے دیگر سرداروں کے ساتھ ہونے والے رابطوں سے متعلق آگاہ کیا اس موقع پر نواب اسلم خان رئیسانی نے کہا کہ جہاں تک میری شنید میں آیا ہے کہ سردار شیر باز خان ساتکزئی کا اس سارے معاملہ میں کوئی تعلق نہیں ہے ان کی گرفتاری کی مذمت کرتے ہیں انہوں نے کہا کہ سراوان کے سراداران واقعے کی بلوچی رسم و رواج کے مطابق تحقیقات کررہے ہیں اور رسم ورواج کے مطابق اپنا فیصلہ صادر کریں گے انہوں نے کہا کہ سراوان کے سردار سردار شیر باز خان ساتکزئی کی گرفتاری کے حوالے سے جو بھی فیصلہ یا لائحہ عمل طے کریں گے اس سے مکمل اتفاق کرتا ہوں